看板MakeUp美妝板作者miu5566 (阿妙仔)推文723則 (386推 7噓 330→)
網誌版：http://amiaohoshino.blogspot.tw/2016/05/maybelline-3dgr-1khng.html

（圖有露臉，不喜勿入！）
（以下為台語文，請以台語閱讀）



－－－－－－－以下正文－－－－－－

今仔日欲介紹的化妝好物就是－
Maybelline媚比琳 3D立體雙效眉彩盤 GR-1

我一直以來long是烏頭毛，因為我實在無錢去染頭鬃，啊閣欲開時間去保持伊e色，實在
傷過麻煩啊！
但是作為一个烏頭鬃的人，化妝就會拄到一个麻煩就是「市面kah無烏色的目眉化妝品」
！
所以我以前long是用「integrate立體三色眉粉盒」閣有「neuve惹我眉彩筆」來畫目眉。

http://i.imgur.com/iV7DGaX.jpg
（圖）左：惹我眉筆/ 右上：Maybelline/ 右下：integrate


但是用integrate ka 惹我眉筆畫出來的目眉，看起來long紅紅青青的！實在無適合！

用integrate化的會紅紅的，因為彼e色是咖啡色，配我的烏頭毛看起來就紅紅的，對我來
講著無適合。

http://i.imgur.com/ABKCPwL.png
（圖）integrate的眉粉畫起來會紅紅的！

用惹我灰色眉筆畫的目眉看起來會青青的！而且閣無夠烏，實在無ka意！
http://i.imgur.com/IExWn0P.jpg
（圖）用惹我灰色眉筆畫起來會青青的！

惹我只張相片，我以前皮膚馬是有白，今嘛就phak日頭phak烏去啊～
所以我到買maybelline只个目眉盤以前，我的目眉long足奇怪的！

落來就欲來介紹我今嘛e畫目眉好朋友－maybelline眉蠟盤！

http://i.imgur.com/kEk7L7u.jpg
（圖）Mabelline眉蠟盤 正面
http://i.imgur.com/JMIinsr.jpg
（圖）Mabelline眉蠟盤 內裝

看彼盒子的表面就應該是看會出來我用一段時間啊！
無好用的物件我毋敢烏白寫出來，所以我用一段時間才有想欲來寫介紹。
其實嘛是因為我驚講以後會停產，按呢我欲去佗位買～～～～
所以我希望大家會當乎Mabelline公司知影這產品愛一直做落去！

http://i.imgur.com/7l1v5HU.png
（圖）M公司khng治網路上的介紹

我感覺這歸e目眉盤上好用的物件就是「眉蠟」啊！
實在是足自然啊閣有夠烏！會當足簡單就畫出輕到重的色！

http://i.imgur.com/8ggLLfv.jpg
（圖）M公司khng治網路上的步驟

我是先畫眉峰、眉尾，ka彼e型用清楚，就用春e眉蠟畫治眉頭！最後才用眉粉來定妝！

http://i.imgur.com/m4ZfPWL.jpg
（圖）我畫目眉的步驟

落來就是我用只个眉蠟盤畫的妝！乎大家看覓～我個人是足ka意的！！！

http://i.imgur.com/y3IvHpz.jpg
（圖）素目眉

先khng一張我的「素目眉」，我本身的目眉就足濟，就算講無畫目眉嘛看起來也是有目眉


落來就long是有化妝的圖囉！

http://i.imgur.com/WVPZnj6.jpg
（圖）有畫目眉1
http://i.imgur.com/Exqu2wG.jpg
（圖）有畫目眉2
http://i.imgur.com/ZOdjASv.jpg
（圖）有畫目眉3

我的目眉的形狀是我男朋友幫我修的，我ka意只種自然的眉型，無ka意今嘛尚流行的平
眉


總結：

這是我目前上ka意的眉彩盤啦～～～～～～～～～～～
持妝度是be壞，目前我出門long無咧補妝的！
看起來真濟足自然的！實在是烏頭毛人的救贖！--
※ 發信站: 批踢踢實業坊(pttweb.tw), 來自: 36.229.210.185
※ 文章網址: https://pttweb.tw/MakeUp/M.1464712486.A.EBE
※ 編輯: miu5566 (36.229.210.185), 06/01/2016 00:35:22
我嘛毋捌「閩南語」，只有捌「台語」。XD
看無be曉緊，我閣有貼圖會當看！
其實我就算講平常看北京話的白話文，我定定嘛是只有看圖無看文章，傷過懶爛啊～
彼是「蝦」毋是「蟲」～～～～～～～～～
因為我咧學台語文啊！哪是無定定寫出來乎別人看，足濟人long叫是講「台語無文」…
其實台語文是非常美麗又閣古早的。
平常時陣用北京語（所謂的「ROC國語」）來打文章只愛半點鐘，用台語文我打2點半鐘…
人生嘛～～～～哪毋是我家己打拚咧學，我嘛是貧惰看文章XD
我以前嘛有試過平眉，但是無到「韓國平眉」遮爾平，就是我用惹我畫的彼張圖，
結果感覺無適合！後來就治make-up版請人甲我教按哪畫我今嘛這種形狀啊！

實在是感謝make-up版的存在啊～～～～～
自從我乎伊修過目眉了後，伊尋我出門拄到無修目眉的查某朋友long會叫因看我的目眉
然後就約約e來阮厝內底排隊修目眉～

我男朋友會曉修目眉，是因為伊以前有交過一个百貨公司櫃姊女朋友！
真濟有訓練有差！我撿到寶啊！
有一邊看一邊唸的人，一定有發現我的台語其實嘛足無輪轉的！
但是為著欲甲我的母語學好，我會繼續打拚落去的！
啥物人來定「正常」這个詞的意義咧～
甘講寫「台語文」就是「無正常」～～～～～oh！no～～～～
因為「語言無文字，足緊就會無去」雖然台語有文字，但是傷過濟人毋知，
我這是用行動來宣傳母語文化的保存啊～～～～～～
甘講這無意義～～～～哼～？哼～？哼～？
我以前long會去尋彼寡字e漢字，但是寫出來實在嘛無人看有…
親像是「（北京語）你很厲害！」＝「汝足g漉！」那個「g漉」實在不知怎麼做漢字。
其實寫台語文尚好的是「羅馬字」，會當看出口音，而且所有台灣人的母語
（holo會、客話、原住民語）long總通，使用羅馬字才是「語言平等」啊～～～～
對吼！但是我e台語其實馬足無輪轉…哪是用錄音e，可能閣無人聽有啊Q______Q
毋知make-up版甘有禁講政治？
台灣毋是國家，台灣哪是國家，為啥物無法度入去UN？
台灣需要建國，需要離開中華民國e殼，建立一个以台灣為主體e國家。
按呢我欲ka我e台語練乎好，無依我目前e能力，
用講e實在是會乎人罵講「be曉講就勿講！」，我玻璃做e心會破去……
拄開始看long足thiam矣！我拄開始咧寫台語文e時陣，我寫30字就開40分鐘啊！
定定看、定定寫，就會愈看愈緊，愈寫愈緊！
阮會使作夥進步～～～～～～
是恁大家毋甘嫌啦～
→ jojoalice: 讀.....讓人想跳過                     218.164.74.108 06/01 01:20
人生嘛！有心的人就會留落來看，無心的人就隨在去～
親像是感情工款，阮無法度硬欲留別人～～～～～

然後，汝講「印象中台語（閩南語）其實是用漢字來書寫的吧？」
汝按呢是「本末倒置」，是「漢字會當用台語來唸」毋是「台語是用漢字來寫」，
以前漢字long是用治寫詩、寫奏文、寫公文的文言文，所以足濟語言long會當唸出來！
但是台語的白話文，尚好是用「羅馬字」來寫，因為足濟字是漢字內底無e！
變作是講，用漢字寫e台語白話文，足濟字就愛用拼音來寫，無純漢字是無法度來表達的
。

閣講落去就傷濟啊！以上按呢簡單講就好啊～～～～～
足欣羨汝e！我是厝內底e嗣大人無啥愛ka我講台語，我細漢嘛無啥愛講，
我大漢了後就足後悔無ka阮阿祖講kah濟e台語…（拭目屎）
好喔！我會繼續寫落去e～～～～～
希望大家會當因為我對台語文有kah濟e熟事！
台語萬歲！獨立萬歲！建國萬歲！
我是面冊（Facebook）一擺加足濟寫台語文足gau的人做朋友，
然後定定寫文章出來乎因來改，抓我e錯誤！然後就愈寫愈好啊！
我今仔日有e一切，long愛感謝面冊頂懸e老師（拭目屎）…
汝哪是有興趣，汝會當kah我交換目冊，我乎汝一排名單，咱逗陣學！

但是阮long是主張台灣建國e人啦～哪是汝毋甘嫌，阮就作夥學～～～～
jojoalice大，汝看！汝看！汝看！
馬上就有人示範啥物叫做「漢字無法度表達台語」XDDD
耶～～～～ 大家毋甘嫌，真濟是乎我足濟鼓勵e！
嗚嗚嗚…其實台語是足美麗e語言，
但是只个體制壓迫台灣人去放棄台語(宋楚瑜禁方言)，害阮long無法度去接觸台語e雅緻
！
本身講話臭奶呆，我想我哪是錄影可能會乎恁笑Q__________Q
感謝提點，我趕緊改>______<
啊啊啊啊啊啊啊～～～～對吼～～～～～～～～～
我真需要恁來幫我抓錯誤，我趕緊改！！！！！
ntb5768大，汝看！汝看！汝看！
我就是按呢咧學台語文e，寫出來乎人抓毋著e字！！！

人講「想欲學物件，就愛kah不見笑e～」

然後，我以前我問過人講「佇」e問題，老師ka我講：
卡早通俗个文献百份百朗寫「乎」字。用「予」字寫「hō  」
是「中式台文」、是現代（一八六七〇年代以來）中華主義甲ＲＯＣ「國文系」个產物。
「佇」字嗎是。是按盞「予、佇」是中式个用字、另工即來詳細解說看覓。
（很多人深感不可思議、一度由深綠人士附身的中華台北教育部、
口口聲聲強調其對民間用字的尊重、哪可能最後還是推出一堆中式用字。）
看濟就愈來愈順！親像我寫濟，就愈寫愈好！
其實恁台語比我閣ka好e人來練習台語文是足緊e，我是台語講無好，學起來有一寡甘苦
寫只篇文章，開我2點鐘半～3點鐘，實在足thiám矣……
好家在大家有ka意，會當乎大家對台語有愈濟e認同，開我一寡時間無算啥～～～～
蔡教授路過，正手邊e是我男朋友，XD
彼工ka蔡教授開講，伊講我台語有進步，我聽ka足爽e。
無免敬佩，大家作夥來接觸，來學、來寫！以後看到台語文就是足「正常」e代誌啊！
感謝汝e建議，但是我kah無這想法，因為感覺傷濟人寫北京白話文啊！
只个世界實在是無欠我一篇文章寫北京話，而且！！！！！！
哪是我寫北京話，是人就是會貧惰，一定會直接看北京話文然後就無看台語文，
按呢無是「本末倒置」嘛～～～～
be曉緊，大家看久看習慣了後，自然就知影寫台語文欲按哪寫啊！
我拄開始看別人寫馬是只會當回北京話！
有咧看我e臉冊e人應該馬知影我e台語馬是足破矣…定定講就會愈講愈好！阮作夥進步！
勿一直喊蔡教授嘛Q///Q  驚講有人會講我是「消費蔡教授，來成就自己的文章」
其實我只是足少hit家己e相片，所以就凊彩尋平常貼e圖來乎大家看！
台語是大家e母語，少年人馬愛會曉講台語寫台文！:D
台語文有台漢文（全漢字）、漢羅文（漢字＋羅馬拼音）、白話字（全羅馬），
我今馬用e是漢羅文，全漢字大家一定看無、白話字大家愈閣看無...
啊啊啊啊！我long be記得講「大家」愛寫「逐家」啊～～～～
頭前已經寫足濟啊Q///Q
我哪是會曉講客話，我馬會想欲寫客語文，但是我連我家己e母語（台語）long講be好啊
實在無彼心思去顧著客語Q////Q  歹謝啦！
我當然知影台灣毋是只有台語是母語啊！閣有客話、原住民語…一寡，
但是我e母語就是台語呀～講實在e，哪是long無人欲寫台語文（客語文、原住民語文），
以後就無人會曉寫啊！這根本就毋是想欲「精準溝通」為目的咧寫文章啊！
這是為著「文化e傳承」。
我知影啊！所以我寫我家己e母語呀！汝馬會當寫汝家己e母語唷！
哪是我會曉原住民語，我今馬寫e就是「原住民語文」啊！
這才是「語言平權」啦～～～～～
其實今馬會曉講台語、客話e少年人已經足少啊！
語言是文化e載體，哪是語言消失，阮e文化就無去啊....（拭目屎）
挑故意逼著逐家讀台語文，感覺足爽e！( ～'ω')～
伊定定閣會用我來試驗奇怪e目眉形狀(反正我e毛生足緊），
有一擺乎伊修出「生氣目眉」XDDDDD 我看鏡long一直笑～
哪是有原住民族e朋友、講客話e朋友馬願意用母語寫文章，一定愛ka因支持到底！！！
一个問題，kah清楚e請看：
為什麼是「台語」而非「閩南語」? ( by 佛國喬)
http://clique2008.blogspot.tw/2013/09/by_3.html

台灣是一个多元文化e土地，當然毋是只有台語才是台灣人e語言，所以應該要宣傳大家
講家己e母語（客話、原住民語...etc），乎台灣人變作是「多元文化語言共和e台灣人」
＋1 雖然講我聽無，但是我足支持大家long用家己e母語表達！
這才是「多元文化」、「語言平權」e環境，
然後阮聽久、看久、講久，就會曉足濟語言啊！按呢才有「競爭力」啊～～～～

其實抑是足濟人毋知台語有文字，Q________Q  其實台語文e歷史早就超過北京白話文！
只要以台灣土地為出發e人long是愛台灣，無人講一定愛講台語才是愛台灣，
但是阻擋別人講母語真正就是有一寡問題啊...
其實台語有足濟音long是足古早e「古音」，親像是尾音「爾」、「矣」。
台語是足美麗足美麗足美麗e語言～～～～～

我kah無愛用全漢字，因為按呢足濟字其實是無法度去表達彼个音矣！
我以前馬kah愛用全漢字，但是後來發現這會落去一个「正漢文」e思考，然後就ka
語言軟e所在未記得！親像是「口音」、「地方腔」！只有羅馬字會當完全「我寫我口」。
彼毋是「簡體字」啦～～～～
因為有「簡體字」就有「繁體字」e差別，這其實是政治做出來e分區！
中國(PRC)v.s中國(ROC)。  這其實long總叫做「漢字」，親像是日本人用漢字工款！
五官深就是贏人足濟e！
古早e漢字詩詞，親像是啥物李白、杜甫、歐陽脩抑是孔子，就是汝講e按呢，
因用漢字寫文言文，文言文是全漢字文化圈e人long有法度念出來e！
連日本話其實long會當唸漢字文言文，所以漢字毋是限定啥物語言才會當寫e！
但是經過陳獨秀e白話文運動閣中國（ROC）治台灣「國語普及、禁說方言」，
汝今馬寫e叫做「北京白話文」！
哪是用北京話e視角去寫台語文就是足「put-tat-put-chit（不值不質）」啊！
這甘是客話～～～～～～～～～～～～～～～喔～～～～～～～～～～～～
台灣許要汝來寫客語文Q////////Q 我一定會做汝你fans！！！！
鳥頭毛XDDDDDDDDDD  足好笑XDDDD
「閩南語是台語 客家人表示想哭」頭前已經有講過啊，貧惰閣寫，kah清楚e請看：
http://clique2008.blogspot.tw/2013/09/by_3.html
「幹嗎搞意識型態」只愛是人，活著e時陣就一直long有「意識型態」哪是汝有時陣有，
有時陣閣無，按呢汝可能定定失去意識、休克、中風...
「又中又英」其實是「漢字」＋「羅馬字」，台語文有「全漢」、「漢羅」、「全羅」，
春e頭前有講，貧惰寫～
足濟嗣大人long是會曉北京話、台語、客話三種語言，為啥物？
就是因為因e環境定定會當乎因聽著足濟語言，哪是用這種「通用」e單一思考去限制語言
最後就是汝只會曉「霸權語言」，然後其他e母語long死去啊！

阮咧欣羨與混血囝仔自細漢就會曉足濟語言e時陣，為啥物就放棄家己學語言e機會咧？
哪是「語言是很多族群衍生出來的」但是今馬是「北京話霸權時代」，
根本就毋「多族群」啊！汝反對我講台語寫台文，其實就是ka台語（工款邏輯會當套治「
客話、原住民語」）壓乎死e共犯。
我帶治Taokas隔壁，可能有一寡XD  定定乎人講我是原住民，聽ka足爽e！
絕對歡迎每一个人long用家己e母語寫文，我一定支持到底～～～～～～～～～～～
「攏係」是「北京話邏輯」....  我以前馬寫「攏是」結果乎老師抓錯字，
伊說這是「北京話裝台語」，「long」是羅馬字e「lóng　」但是我無羅馬字輸入法。
我就是有弄清楚一寡才敢出來寫啊～～～～雖然抑是有錯字乎樓頂e抓著Q///Q
台語白話文治鄭成功時陣就有啊....
https://zh.wikipedia.org/wiki/%E8%87%BA%E8%AA%9E%E6%96%87
我後擺是看覓hit影片閣有寫文章，但是其實我化妝無講足強矣～
舉例講我目珠毛一直無法度夾ka足翹起來矣…（//艸）
因為我根本就無用啥底妝啊～～～～ 我只有用遮暇＋蜜粉就摸過去啊
講實在我這文章會治make-up版受到認同，我是足感動矣！
因為其實我今馬帶台北，足濟人long足討厭講台語，講阮講台語e人是「無水準」、
「無心想欲ka人講話」、「欺負講北京話e人」…聽ka足心痛矣…這著是「歧視」啊！
逐家long講ka足好矣！

其實客家、原住民語ka台語工款long是受「國語運動」、「禁說方言」e北京話霸權體制
壓迫，壓迫台灣人無法度使用家己e母語，上恐怖e是少年人閣會感覺講母語是見笑e代誌！
大家long是受害者，只是足濟人治一个霸權e環境內底猶閣毋知家己e母語會無去是受
北京話霸權體制壓迫，而且只个體制閣會教大家對holo話（台語）反感，
認為是holo話咧壓迫其他母語！
其實這就是khia（華語：站）治北京話霸權e立場咧講話，但是家己毋知影。
我晉前才知影，華語「月亮」e台語是「月娘」，想起來就足sui矣～
我定定看北京白話文e文章我馬是貧惰看字只有看圖，XDD
其實有喔！台語文是歷史足長e文體，只是我半桶水有一寡錯字，我一邊學一邊寫XD
用全羅馬字真正是kah讚，因為按呢會當表現出語言軟e所在，親像是「口音」、「腔」！
然後台語漢字文e歷史彼「繁體字」閣kah長，馬比「中國」閣kah長，
所以…汝按呢對別人講，其實是會乎人笑e！ 甘講汝愛對日本人講「不要用中國字啦！」
我無化妝時馬畫e落去呢！但是面kah油e時陣是無法度啦！這真正足好用！
以前韓國人其實馬是用漢字寫文章，因家己為著卜建立「大韓民族」，愛家己做主人，
離開「漢文化為主體e文化認同」所以就「創建文字」，就是今馬e「韓文」！
這真正是足強足強足強e代誌！哪是有一工阮建國，阮嘛會使家己創字，做家己e主人！
因為台語閣保存足濟「古音（濁音）」，彼是今嘛e「Chinese mandarin」無法度去比e！
上無正常e是壓迫逐家勿講母語e北京話霸權體制（ex.宋楚瑜－禁說方言）
汝講ka足好矣！一百年前e台灣人e日記，親像是蔡培火1931年寫e日記是全台羅文，
（連結內底有圖ka解釋）https://goo.gl/0fnOHo。所以拄開始中國國民黨來台灣e時陣，
直接足硬咧逼台灣人全部寫「北京白話文」，害台灣原本e讀冊人全部long一時毋知卜
按哪寫文章啊！變作是講，台灣人就無文字e傳播工具啊！因為報紙禁寫台語文、日文…
彼時陣台灣對日文e識字率70％，中國人一來，只70％全部long變「文盲」。

汝哪是寫客語文，我絕對做汝頭一个死忠Fans！！！！！！！！！！！！！！
寫落去！寫落去！寫落去！
我是細漢時會ka厝內底e嗣大人講台語，所以有一寡底！
但是大漢了後就kah少講，所以就退步足濟e！
為着卜寫台語文，我已經1~2月全部講台語啊！有人講我有進步，我着足爽e！
我毋是公投盟e！我無任何一个組織，我只是一个愛台灣e少年人！
正解：「平常時pîng-siông-sî」、「平常pîng-siông」、「平時pîng-sî」、
「平日pîng-ji  t/pîng-li  t」
台語e文字已經足長足長足常e歷史啊～～～勿閣以訛傳訛講「台語無文」啊～
講實在e，哪是有一工make-up版有足濟母語e文章，彼个時陣，歸e社會環境馬一定是足
開放e！然後汝就會親像嗣大人工款，一个人通台語、客語閣有其他e語言！
這治100年內底無可能會「滿滿母語文分享」，所以汝操煩這實在是傷早啊！
耶～～～～～～
※ 編輯: miu5566 (36.229.210.185), 06/02/2016 22:30:30